GËZIM HALIM KALAJA

Ka lindur në qytetin e Krujës më 26 dhjetor të vitit 1947. Pas mbarimit të shkollës së mesme ka ndjeku dhe ka përfunduar shkollën e Forcave Ushtarako- Ajrore dhe ka punuar në këto forca.

Eshtë një nga ideatorët dhe nismëtarët e krijimit të Bashkimit të Sindikatave të Pavarura të Shqipërisë.

Aktiviteti i tij demokratik në luftë të papajtueshme me diktaturën ka filluar që në periudhën e diktaturës, ku për mendimin e tij të hapur dhe të lirë në vitin 1975 është dënuar me punë të detyruar në Minierat e  Qymyrgurit Mushqeta dhe Priskë, ku ka punuar deri në vitin 1991, pikërisht në këtë front të vështirë punë, që u bë vatra e lëvizjes sindikaliste shqiptare dhe djepi i revoltave për liri dhe demokraci.
Në fillim vihet në krye të lëvizjes së minatorëve të Minierës Priskë, më pas të të gjithë minierave të Tiranës dhe mbarë vendit duke u konfirmuar edhe si lider i  të gjithë lëvizjes punëtore shqiptare.

Procedurat e zgjedhjes së tij

Të drejtën e kandidimit për President të BSPSH-së  e kanë të gjithë drejtuesit e federatave sindikale që aderojnë në BSPSH në bazë të kërkesës së tyre për shpallje kandidature.
Këshilli Kombëtar miraton listën e kandidaturave alternative për President të BSPSH, mbi bazën e kërkesave me shkrim dhe në përputhje me kriteret e vendosura.
Presidenti zgjidhet në Kongres me votim të fshehtë me shumicë të thjeshtë votash 50%+ 1. Në rast se kandidatët në votimin e parë nuk sigurojnë shumicën e thjeshtë të votave, atëherë votimi përsëritet dhe fiton ai që merr më shumë vota. Kur Kongresit i paraqitet vetëm një kandidaturë për President lejohet t’i propozohet Kongresit mënyra e votimit të fshehtë apo të hapur.

Presidenti udhëheq të gjithë veprimtarinë institucionale të BSPSH-së.
Drejton mbledhjen e Asamblesë Kombëtare dhe mbledhjet e Këshillit Kombëtar të BSPSH
Presidenti është përfaqësues i BSPSH në marrëdhënie me të tretët, në mungesë të tij, ai autorizon Zv/Presidentin e  BSPSH, i cili duhet të veprojë në bashkëkëshillim me Sekretariatin.
Presidenti është përfaqësues institucional n[ sindikatat botërore dhe europiane. Presidenti ka për detyrë të kontrollojë në çdo kohë që e sheh të nevojshme gjendjen financiare të BSPSH-së, të thërrasë në raport para tij apo forumeve të BSPSH, personat e ngarkuar me këtë detyrë.